TEKS DRAMA KOMEDI ACARA PELEPASAN SISWA SISWI MTs MUHAMMADIYAH 05 TAMANSARI TAHUN 2014

“JAKA TARUB DADI DUDA”

Dina jemuah, suasana sore wis cerah. Udan sing mikine gede banget siki wis mandheg. Srengengene wis mulai katon ditambah ana pelangi mentongol neng sisi kulon. Nek jerene wong2 tah angger ana pelangi,berarti arep ana bidadari sing arep adus neng bumi. Tapi bener orane ya mbuh ora ngerti .Selot suwe semribit ana mambu – mambu wangi pisan. Ana apa si ya? Suara kemrincing-kemrincing genahepol sekang sisi kulon.

Byuuuurr..

Widadari Abang (daribang): Cihuy, aseeek! Bisa adus maning. Jan banyune seger pisan yaa. Wis seminggu keh ora adus, awake pliket kabeh, lah jan segere pol lah pokoke.

Widadari Jambon (daribon): Genah iya koh, segere poll. Tapi angger aku ya ora kaya ko. Ko tah dadi widadari ora tau adus. Mbok siki neng kayangan wis ana pemandian umum. Ora ngerti si katro bengeet.

Widadari Kuning (darikun): Ih yaampuun! Sapa kue sing ora tau adus jan ngisin-ngisina banget lho. Widadari kelas internasional koh yaa ora tau adus jaan. Contoh keh aku, ora tau telat menycure pedycure, mbok wangi pisan kieh ambune.

Widadari Ijo (darijo): Lah yawis lah. Anu kaya kue be dibahas. Nyong sing ora tau adus be meneng bae koh ya jan.

Widadari Abang (daribang): Duh Ijo, dadine nyong ana batire kieh? Aseek, toss ndipit yuk maree

Widadari Ijo : Tos lah mbabro, haha

Widadari Kuning : Ya ampyun, anu kaya kue be dibanggakna. Mbok ya jijay lah. Oh ya, ngomong-ngomong si Ungu, Biru, karo Nila lagi neng ngendi ya? Kawit mau ora keton koh.

Widadari Jambon : Oh kae wong telu? Ngeneh ya tek omongi, si Ungu mau wis ijin arep konser ndipit, si Biru lagi masak nggo papih raja, terus si Nila lagi mojok karo pacare. Miki wis tek jeki malah ora gelem bae jere mbok kesetrum.

Widadari Abang : Yaiyalahyaw, angger dijek ya kesetrum tolol

Widadari Jambon : Hoh ya kowe sing tolol, maksude aku kuweh si Nila intine ora gelem melu ngeneh lah. Jere wis ana sing ngejeki shoping shoping

Widadari Kuning : Oh kaya kue yaa, hahaha

Neng prapatan…

Jaka Tarub : Le, le, le!

Jaka Tole : Apa lah, nyong ora budeg. Nyeluki bae. Nyong wis krungu, ana apa jane?

Jaka Tarub : Gyeh, wetenge aku lara pisan, mules, mau esuk kakean mangan sambel apa ya? Batiri beol ming kali yuh

Jaka Tole : Jen wis gedene semono ming kali be njaluk dibatiri, kecing temen kowe

Jaka Tarub : Lah aja kaya kue lah tulung. Batiri beol koh, yuh lah

Jaka Tole : Emoh lah, mbatiri koh ming kali, mbatiri tulih maring kota, shoping cuci mata apa kepriben, mbatiri koh beol, bebeh temen

Jaka Tarub : Oh kaya kuwe ya ora gelem mbatiri, yawis, mangsa oraha angger neng kali ana sing bening-bening arep ora tek wehi ngerti

Butul neng kali

Jaka Tarub : Aduh jaan legaa pisaaaaan eh tapi koh kaya ana sing sejen ya, deneng mambu wangi ana apa ya? Kayane tah ambune sekang kulon, jajal tek tiliki lah….. Walah walaaah apa nyong ora salah weruh kae widadari lagi adus? Wahwahwaaah bening pisan keh kena nggo cuci mata, tombo ngantuk! Ohya aku duwe ide cemerlang, tek jukut lah salah siji selendange, ngkoli ora teyeng bali.. Tuman!!

Jaka Tarub njukut slendang sing Jambon

Widadari Ijo : Kanca2, pada bali yuhlah maring khayangan, kayane aduse wis cukup, wis klimis kyeh

Widadari Kuning : Aduh biyuung, nyong tesih kepengen ciblon. Dela maning lah ya

Widadari Abang : Tapi kayane wis sore loh, angger domaih papih raja priwe?

Widadari Jambon : Yawis lah ayuh pada ngandang, tapi ngomong-ngomong slendange nyong neng ngendi ya? Deneng murca (ilang)?

Widadari Kuning : Cape deeh, miki mbok wis disog ngkono lah, degolet maning jal.

Widadari Jambon : Uwis koh tapi ora nana, kepriwe yah, mengko nyong ora teyeng bali kepriwe? Biyunge biyunge

Widadari Abang : Ayuh cepetan wis sore koh, aku Ijo karo Kuning bali disit ya

Widadari Jambon : Lah nyong kepriwe neng kene? Masa detingggal dewekan? Moh lah

Widadari Ijo : Wis lah, trima bae nasibe ko

Widadari Kuning : Mbon, aku bali ndipit yaa, Im sorry goodbye sorry dorry morry stroberi yaaa…

Widadari Jambon akhire detinggal dewekan, langka sing gelem mbatiri. Ijik-ijik Jaka Tarub teka kaya dadi pahlawan bae kesoren

Widadari Jambon : (nangis) slendange nyong neng ngendi laah kepriwe kiye biyune bapane

Jaka Tarub : Cah ayu, kenangapa nangis dewekan neng kono, wis gedene semono masa nangis apa ora isin?

Widadari Jambon : Slendange nyong ilang koh!

Jaka Tarub : Deneng bisa ilang sih?

Widadari Jambon : Hah, sapa sing takon kuwe, deneng langka wujude (clingukan)

Jaka Tarub : Kiye aku neng mburi, nylinguk ya

Widadari Jambon : Subhanallah, rika sapa? Deneng ijik-ijik bisa neng kono

Jaka Tarub : Oh ko ora ngerti ya, yawis perkenalken aku Jaka Tarub, pemuda sing paling cakep paling ganteng paling joss neng desa kiye, kaya kuwe. Nah siki giliran aku sing arep takon, cah ayu dewek jenenge sapa trus bisane neng kene anu keprimen ceritane?

Widadari Jambon : Dadi rika Jaka Tarub, anu sing cokan nggaweni tarub angger ana pengantenan ya?

Jaka Tarub : Sembarangan, kiye Jaka Tarub, udu tukang nggaweni tarub

Widadari Jambon : Oh kaya kuwe, yawis giliran aku yuh, aku kuwe Widadari Jambon, nama bekene Nawang Sasi, aku teka sekang khayangan, tapi sing dadi masalah, siki aku ora teyeng bali khayangan soale slendange nyong ilang

Jaka Tarub : Oh dadi kaya kue critane, melas temen, yawis siki melu nyong bae yuh,

Widadari Jambon : Melu maring ngendi lah?

Jaka Tarub : Aja kakehan takon si ngapa, gari melu bae koh, apa ko gelem tek tinggal dewekan neng kene, hayuh gelem ora? Mbok cokane ana sing ngawe-awe nek wengi-wengi

Widadari Jambon : Apa iya? Hi medeni temen

Jaka Tarub : Yawis mangkane melu aku bae, sante bae, arep ora deapak-apakna ikih

Widadari Jambon : Sumpeh lho! Yawis siki aku melu rika, tapi angger rika macem-macem, tek bithi rikane

Jaka Tarub : Iya lah, yuh

Sawise kaya kuwe, Widadari Jambon akhire melu Jaka Tarub, mbarang wis suwe akhire Jaka Tarub karo Widadari Jambon pada seneng-senengan, banjur akhire pengantenan, lan dikaruniai anak lanang

Para widadari sing maune pada bali khayangan teka maning, para widadari kuwe olih perintah sekang papih raja supaya njemput Nawang Sasi bali

Widadari Kuning : Mbon, kepriwe kabare? Apik-apik bae mbok? Lawas ora ketemu yaa

Widadari Jambon : Eh Abang, Kuning, Ijo, aku apik-apik bae koh priwe kabare ko pada? Waras kabeh mbok? Kabare papih raja kepriwe?

Widadari Ijo : Aku karo kanca-kanca neng kana ya pada waras bedigas kabeh

Widadari Abang : Jen aku tah heran karo ko, bisane betah neng bumi ana apa jane?

Widadari Jambon : Gyeh tek critakna, aku neng kene ketemu karo cowo sing ngganteng pisan, jenenge Jaka Tarub, kae sing nulungi aku pas aku detinggal karo ko pada. Trus siki aku wis mbojo karo Jaka Tarub, malah aku wis duwe anak lanang siji, jenenge Jaka Tajam, dijukut sekang Ta sing berarti Tarub, Jam berarti Jambon, keren mbok

Widadari Abang : Oh kaya kuwe critane ya

Widadari Jambon : Nah ngomong-ngomong ko pada jane ming ngeneh dalam rangka apa? Tumben-tumbenan

Widadari Kuning : Kaya kiye critane, aku, Ijo, Abang diutus neng papih raja supaya njemput ko bali khayangan, nggo ngapa urip neng bumi, ora kepenak ora asik mending urip neng khayangan apa-apa ana

Widadari Jambon : Tapi pangapura ya kanca-kanca, aku ora bisa melu ko pada, soale aku wis betah neng bumi, maningan mengko nasibe anak bojone nyong kepriwe aku esih pengen neng kene

Widadari Ijo : Dadi nyong sia-sia keh ming ngeneh, aja kaya kue sih ngapa

Widadari Jambon : Sepisan maning pangapura lah ya nyong ora bisa

Widadari Kuning : Yawis angger kaya kuwe karepe ko, tapi aku pada esih tetep ngarepna ko balik khayangan, aku arep ora maksa sing penting ko seneng nyong ya melu seneng

Widadari Jambon : Matur tengkyu ya, wis pada pengertian karo nyong

Widadari Abang : Yawis yuh pada bali, wis sore kyeh mendung maning, mengko neng dalan kudanen piwe?

Widadari Kuning : Mbon, aku bali ndipit ya, dadaaah

Para widadari kuwe akhire bali khayangan, tapi Widadari Jambon tetep ora gelem bali

Neng umah…

Jaka Tarub : Yaang, gawekna kopi ngeneh, sore-sore kaya kiye kayane asik pisan medang kopi

Widadari Jambon : Ya sabar

Jaka Tarub : Pancen angger rejeki ora bakal mingendi-ngendi, bisa olih widadari sing ayu mbok apa ora joss pisan, angger ganu ora tek jukut slendange ndean aku ora bisa urip seneng kaya kiye, tapi aja nganti si Nawang ngerti, angger ngerti brabe kyeeh bisa kabur balik khayangan maning, mengko aku dadi duda, sorry ya

Widadari Jambon : Jen, bapake karepe aben sore medang, apa ora bosen?

Jaka Tarub : Ya ora koh, wong sing nggawekna be bojone nyong sing paling ayu, jen ayu pisan pokoke laah..

Widadari Jambon : Oh ya pak, berase wis entong, ngesuk madange kepriwe?

Jaka Tarub : Mbok beras sing wingi esih, sedela temen entonge

Widadari Jambon : Esih jere sinten, wong wis bersih limit koh

Jaka Tarub : Ohya, neng lumbung beras pedangan sebelah kulon toli esih ana berase, wingi ana kiriman sekang kaki Daslam

Widadari Jambon : Jajal tek tiliki ya kang

Jaka Tarub : Ya nganah

Neng lumbung beras kuwe, ijik-ijik Widadari Jambon nemu slendang warna jambon. Mirip kaya slendange sing ganu ilang, Widadari Jambon curiga, apa iya Jaka Tarub sing njukut slendange, Nawang Sasi kesuuuh pisan!

Widadari Jambon : Kang, aku arep takon, penting banget!!!! Kye masalah slendange nyong sing ganu ilang, pak, kenangapa bisa slendange aku ana neng lumbung beras? Aja-aja rika sing njukut slendangku ganu ya?

Jaka Tarub : Hah? Slendang apa? Aku ora ngerti!

Widadari Jambon : Lah usah mungkir, ngaku bae, aku bener-bener kecewa karo rika! Wis tek bela-belani ora balik khayangan, eh ternyata sing njukut slendange aku ganu malah wong sing paling aku tresnani. Teganya dirimu teganya teganya!

Jaka Tarub : Pangapurane yaank, aku bener-bener njaluk pangapura sing seblanggem, aku ora ngerti nek bakalan kaya kiye akhire

Widadari Jambon : Kang, aku kuciwa, kuciwa. Sedih atiku, aku ora bisa kaya kiye terus, aku wis dilomboni, aku kudu lunga sekang kene, kang, tulung jaga Jaka Tajam sing bener, aku titip derumat, aja ngasi kurangen pangan, wis ya, aku lunga selamat tinggaal

Jaka Tarub : Yang aja lunga lah aja tinggalna aku dewekan neng kene, melasi Jaka Tajam, masa aku dadi DUDA, huaaaaa hiks

Widadari Jambon akhire balik ming khayangan, anake siji-sijine karo bojone detinggal dewekan. Saben ana pelangi Widadari Jambon ngintip keadaan anake sekang langit. Jaka Tarub banjur dadi DUDA.